შინაგან საქმეთა სამინისტროს თანამშრომლებმა კახეთში უკანონო თევზჭერის ფაქტი გამოავლინეს

შინაგან საქმეთა სამინისტროს კახეთის პოლიციის დეპარტამენტის გურჯაანის რაიონული სამმართველოს თანამშრომლებმა გურჯაანის მუნიციპალიტეტის სოფელ ბაკურციხეში უკანონო თევზჭერის ფაქტი გამოავლინეს.

პოლიციელებმა გადამოწმების მიზნით გააჩერეს ავტომანქანა, რომელსაც ხაშურში მცხოვრები პირი მართავდა.

სამართალდამცველებმა, ავტომანქანის დათვალიერების შედეგად, 10 კილოგრამი თევზი, გასაბერი ნავი და ელექტროშოკის აპარატი ამოიღეს.

გამოძიება ელექტროშოკის აპარატის გამოყენებით უკანონო თევზჭერის ფაქტზე მიმდინარეობს, საქართველოს სსკ-ს მე-300 მუხლის 1-ლი ნაწილით.

წყარო: http://police.ge/ge/shinagan-saqmeta-saministros-tanamshromlebma-kakhetshi-ukanono-tevzcheris-faqti-gamoavlines/11479

დასვი შეკითხვა

Leave a Reply

Your email address will not be published. Required fields are marked *